[flash]اتمنى انها تنال اعجابكم[/flash]
فكـرت فالدانيـا وناباقـي صغـيـر
ماطلع في راسي من الشيب شعرات
وامعنـت فيهـا بالنضـر والتفاكيـر
وكررتهـا مـره ومـره ومــرات
ولينهـا مـوت ومفـارق وتعـزيـر
تروح منهـا لـو كسبـت العلاقـات
وكسبت صحبة شيخ وملـوك واميـر
وحطوك في صدر المجالس تباهـات
ومروعليك الكيـف والعـود تمريـر
وحطو تحت كوعك من احلا التكايات
وحبو على خشمك جموع وطوابيـر
من شـان كلـك جـاه ولاوساطـات
يقطعـك دنيامابهـا يابشـر خـيـر
مـادام خلونـا الاهـل والقـرابـات
اخذتهـم الدنيـا وســو المقـاديـر
أحدن بحادث مات وأحدن مرض مات
وحنا على درب مشـوا لازم نسيـر
حتى ولـو عشنـا سنيـن طويـلات
ياكـم فقدنـا مـن رجالـن مناعيـر
الهم فهذ الوقـت صولـه وجـولات
سعد الرفيق وسعد من جوا مساييـر
اهل الكرم واهل الصحون الرزينـات
وش لون ماناخـذ عضـات وتعابيـر
ونؤمـن بـان المـوت لنفوسنـا ات
ونعرف من بعد الـورود المصاديـر
وان النهائـه للقـبـور الضليـمـات
وكلن على نفسـه لايبـدي بتقصيـر
اقدم الحسنه وهـي عشـر حسنـات
الله يضاعفهـا ولوحـبـت اشعـيـر
ابدال حبـه تصبـح مئيـات حبـات