هاذي شيله لبخيت أعجبتني وحبيت أكتبها بعنوان ((هــــــــــوى المشتــاق))

نوينا السفر نبغى نعايد هـوى المشتـاق
وناخذ علـوم اللافـي اللـي لفـا تـوه
سرينا من الطايف على نوضـة البـراق
تحت بارقاً تقرا الرسالـة علـى ضـوه
على موتراً مايركبونه سـوى العشـاق
ليا دست له يقبس شـراره مـن القـوه
يريح هوى الراكب ويطرب له السـواق
طراز الجميـح اللـي يمنيـك بالخـوه
تناظر به العالـم ليـا مـر بالأسـواق
الأوصاف من برا والأرقام مـن جـوه
ومن شاف وصفـه قـال يالله ياخـلاق
يكسبك من خيـره وياقـاك مـن سـوه
وصلنا تبوك الصبح مع طلبـت الأرزاق
ولقينا البلد ممطور ينعشـك مـن جـوه
وجينا هوى المشتاق مع ضوحت الإشراق
بعد ما تكاملنـا علـى طيـب ومـروه
وقضينا أجمل الساعات مع طيب الأخلاق
بطل الخيال اللي شهـر مافصـل نـوه
ليا قلت حاجة قـال ياطيـب الأعمـاق
علي احترامك وانتـه اللـي تبـي سـوه