ياصاحبي للظروف احكام واعذرني

ياصاحبي للظروف احكام واعذرني
ملت سنين الزمان ومـل صاحبهـا
واقفيت مثل الغريب اللي يوادعنـي
ناظر على الساعه ووقت عقاربهـا
والرحله اللي عن الاصحاب تاخذني
وش لون تامن لها تامـن عواقبهـا
صحيح لامن سمعت الصوت يطربني
وأظن يبقى صدى للصـوت جانبهـا
الطيب خيـر القصيـد ولوتعاتبنـي
تشوف كل اللحى تحمـى شواربهـا
كله سبـب جادل(ن)دايـم توهقنـي
ومن زود ماهي تعاتبنـي اعاتبهـا
تمون لكن علـى الموعـد تذكرنـي
لاشارف الوعد واهدتنـي مطالبهـا
ماكنها الا تقول ارجـوك سامحنـي
ياشاعر افكار شعرك مـن سبايبهـا
يابارق الخير سيل الارض يرسمني
لاابتلت الارض تروى من سحايبهـا
كن الوداع اقترب ياخـوك قدرنـي
حسب لي حساب مافكـر يحاربهـا
ولو الـوداع يتكلـم كـان ينشدنـي
وش دنيتك..دون ماتعرف تجاربهـا

للشاعر: رامي العتيبي